Angerlarsimaffinni uumasut ukiutoqqami eqqissisimatikkit

Ullup ingerlanerani qimmeq qitsulluunniit timikkut tarnikkullu qasusaruk. Takisuumik

pisuttuaatiguk timaalu aalatilluarlugu. Pisuffiup qanittuani qummoroortoqarpat

ersilluni qimaaratarnissaa pillugu qimmeq pitoqqaguk. Qitsuk annisinneqassanngilaq qummoroortunut tupalluni ersilersinnaammat qimaallunilu.

Aalatilluarluguli pinnguaqatigiuk, qitsuullu quiffissaa piareeqqatinnissaa eqqaamaguk.

Ualineraniik uumasut eqqissisimasumi sungiusimasaanniitsikkit. Saagut saagukkit, qulliit

nipilersuutillu ikitikkit. Qummoroortoqarnerpaaffiup nalaani annisinnagit. Qitsuup toqqorfigisinnaasaanik periarfissaqartiguk.

Ullup ingerlanerani nerisippallaarnagu qummoroortoqalerneranili nerisilluaruk.

Pingaaruteqarpoq illit nammineq qummoroortoqarnera uumasullu qisuariaatai soqutiginnginnissai, tamanna pillugu ersinerulersinnaammat. Sammeqquppata nalinginnaasumik eqqissisimasumillu sammikkit. Mamarisaanik godbiddemik tuniguk.

Kalaallit Nunaanni Uumasut Ikinngutaasa tamassi uumasuutisilu ukiutoqarsiorluarnissassinnik kissaappaasi